Πέμπτη 28 Ιουλίου 2011

ՍԻՐՈՅ ԵՐԳ



Թէ ես չեմ սիրում, չեմ սիրում քեզ,
Ինչո՞ւ է ձմեռն այսքան գարո՜ւն,
Ձմրան արեւը՝ այսքան այրո՜ւմ,
Անխօս երկինքը՝ այսքան անհո՜ւն,
Թէ ես չեմ սիրում, չեմ սիրում քեզ:

Թէ դու չես սիրում, չես սիրում ինձ,
Հապա ինչո՞ւ են ձեր փողոցում
Այդքան սիրո՜վ ինձ ճամբայ բացում
Անցորդներ, տներ մայթեր ու ձիւն,
Թէ դու չես սիրում, չես սիրում ինձ:

Ու թէ չենք սիրում մենք իրարու,
Ինչո՞ւ են աստղերն այսքան անթիւ,
Այսքան գեղեցի՜կ գիշեր ու տիւ,
Աշխարհը՝ այսքան հա՜շտ ու ազնիւ,
Եթէ չենք սիրում մենք իրարու...


Սիլվա Կապուտիկեան

Δεν υπάρχουν σχόλια:

Δημοσίευση σχολίου