Լուսամփոփի՜ պէս աղջիկ՝ աստուածամօր աչքերով,
Թոքախտաւոր, թափանցիկ, մարմինի՜ պէս երազի,
Կապո՛յտ աղջիկ, ակաթի ու կաթի պէս հոգեթով,
Լուսամփոփի՜ պէս աղջիկ...
Ես ի՞նչ անեմ, ի՞նչ անեմ, որ չմեռնի իմ հոգին,
Որ չմարի իմ հոգին քո ակաթէ աչքերում.
Ես ի՞նչ անեմ, որ մնայ ծիածանը երեքգոյն,
Որ չցնդի, չմարի՜ իմ հոգու հեռուն...
Լուսամփոփի՜ պէս աղջիկ՝ աստուածամօր աչքերով,
Թոքախտաւոր, թափանցիկ, մարմինի՜ պէս երազի,
Կապո՛յտ աղջիկ, ակաթի ու կաթի՜ պէս հոգեթով,
Լուսամփոփի՜ պէս աղջիկ...
Եղիշէ Չարենց
Δεν υπάρχουν σχόλια:
Δημοσίευση σχολίου