Մոռանա՜լ, մոռանա՜լ ամէն ինչ,
Ամէնքին մոռանալ.
Չըսիրել, չըխորհել, չափսոսալ-
Հեռանա՜լ...
Այս տանջող, այս ճնշող ցաւի մէջ,
Գիշերում այս անշող
Արդեօք կա՞յ իրիկուայ մոռացման,
Մոռացման ոսկէ շող...
Մի վայրկեան ամէնից հեռանալ,
Ամէնին մոռանալ.-
Խաւարում, ցաւերում քարանալ
Մեն-միայն...
Մոռանալ, մոռանալ ամէն ինչ,
Ամէնին մոռանալ.
Չըսիրել, չըտենչալ, չըկանչել,
Հեռանա՜լ...
Վահան Տէրեան
1908
Δεν υπάρχουν σχόλια:
Δημοσίευση σχολίου