Դուք ինձ չ՞էք ասի, որբացած բներ,
Ի՞նչ էին խօսում իրար ականջի
Արագիլները չըւելուց առաջ:
- Տառապում էին:
Դուք ինձ չ՞էք ասի, աստղեր ու արեւ,
Ի՞նչ էին խօսում իրար ականջի
Արագիլները չըւելու պահին:
-Տագնապում էին:
Դու ինձ չ՞ես ասի, անձըմեռ հեռու,
Ի՞նչ էին խօսում իրար ականջի
Արագիլները չըւելուց յետոյ:
-Կարօտում էին:
Անքուն եղէգներ անձըմեռ հեռուի,
Ի՞նչ էին խօսում արագիլները
Չեզ «մնաք բարով» ասելուց առաջ:
- Շտապում էին:
Բուք արտաշնչող լեռնագագաթներ,
Ի՞նչ էին խօսում յոգնած ու մրսած
Արագիլները ետ գալու պահին:
- Հաւատում էին:
Խօսք՝ Համօ Սահեանի
Երաժշտութիւն՝ Սասուն Պասկեւիչեանի
Կատարում՝ Լեյլա Սարիբեկեանի
Δεν υπάρχουν σχόλια:
Δημοσίευση σχολίου