Սոխակին ասին, թէ ագռաւը չար
Քեզ նախանձից է ծաղրում անդադար.
Իր չար նախանձից
Ծաղրում է ցածից,
Քեզ ինքնամոլ է ասում ու ծաղրում,
Քանզի քո երգն է իր գլխին ճախրում,
Սոխակիդ երգը արծըւի նման,
Ինչո՞ւ չես դու էլ ագռաւին ծաղրում:
-Ի՞նչ ծաղրեմ, ասաց սոխակն աննման,-
Ժամանակ չունեմ, որ յիշեմ նրան,
Համ էլ չգիտե՞ս, որ ընդդէմ դաւին՝
Արհամարհանքս մահ է ագռաւին...
Յովհաննէս Շիրազ
Δεν υπάρχουν σχόλια:
Δημοσίευση σχολίου