Չեռքըս բռնեց գուշակն եւ իր
Քարայրին քով ինծի ըսաւ.
-Ափիդ մէջ կայ երեք կնճիռ,-
Երեք ճամբայ առջեւդ ելաւ:
Մին ցամաքէն քեզ կը տանի
Լուսնի լոյսով մինչեւ անտառ՝
Ուր կը պարէ կոյս մ' հոլանի...
Ցուպըդ կոտրէ՛ ու մի՛ երթար:
Միւսը ծովն է ակօսուեր.
Քեզ կը տանի կըղզին դալար,
Ուր կը վազեն ոսկի գետեր...
Ղեկըդ փշրէ՛ ու մի՛ երթար:
Երրորդ՝ ճամբան է երկինքէն.
Պարզէ՛թռիչներըդ սեփական
Մինչեւ աստղերը սիրտդ այրեն
Շարունակէ՛ դուն այդ ճամբան:
Դանիէլ Վարուժան
Δεν υπάρχουν σχόλια:
Δημοσίευση σχολίου