Բարի, գեղեցիկ, առաքինի ընկերը՝ մարդուն
Փայլեցնում է արեւի պէս պատկերը մարդուն,
Ինչ մարդ ունենայ իւր մօտը հաւատարիմ ընկեր,
Ցերեկի նման անցնում է մութ գիշերը մարդուն:
Կեանքդ, նուիրես ընկերի լաւին, քիչ է դարձեալ,
Այնպէս է հոգեկան լուսատու լապտերը մարդուն,
Ընկեր եմ ասում, հաստատակամ, ճշմարիտ ընկեր,
Որ բարձրացնէ աստիճանը միշտ վերը մարդուն:
Թշնամիները իւր վերայ գալած ժամանակը,
Կտրիճ, հարազատ ընկերն է սուսերը մարդուն,
Ով որ ունենայ մտերիմ ընկեր, Ջիւան աշըղ,
Չի՛ սպիտակեր ամէնին մէկ հերը մարդուն:
Խօսք՝ Աշուղ Ջիւանի
Երաժշտութիււն՝ Աշուղ Ջիւանի
Կատարում է՝ «Սայեաթ Նովա» աշուղական երգի համոյթը
Δεν υπάρχουν σχόλια:
Δημοσίευση σχολίου