Δευτέρα 6 Ιουνίου 2011

ԵՍ ՉԵՄ ՆԱՅԻ



1

Ես չեմ նայի այս երկնքին,
Քո աչքերը քանի կան,
Ու կը ժպտամ ես ամէնքին,
Քո աչքերը քանի կան.
Դու ե՞րբ բերիր, ինչպէ՞ս բերիր
Այսքան գարուն իմ կեանքին,
Մանկացել եմ կարծես կրկին,
Քո աչքերը քանի կան:

2

Ես նայում եմ քո աչքերին,
Երբ տխրում եմ ես,
Գիշերները՝ մռայլ պահին,
Երբ տխրում եմ ես...
Դու շոյում ես կարօտանքով
Մազերս ու հոգիս.
Եւ ի՜նչ լաւ ես ժպտում, անգին,
Երբ տխրում եմ ես...


Անդրանիկ Թէրզեան

Δεν υπάρχουν σχόλια:

Δημοσίευση σχολίου