Քո աչքերի՛, քո աչքերի՛, քո աչքերի՛ պատճառով
Իմ աչքերը ամբո՛ղջ գիշեր, ամբո՛ղջ գիշեր չե՜ն փակւում:
Քո մատների՛, քո մատների՛, քո մատների՛ պատճառով
Իմ մատները, իմ մատները լո՜յս են ուզում խմորել:
Քո թեւերի՛, բա՛ց թեւերի, մե՛րկ թեւերի պատճառով
Իմ աչքերին, իմ աչքերին ջրվէժնե՜ր, են երեւում:
Քո ծիծաղի՛, քո ծիծաղի՛, քո ծիծաղի՛ պատճառով
Իմ ծիծաղը, իմ ծիծաղը պաշտօնաթո՜ղ է դարձել:
Քո քայլուածքի՛, քո քայլուածքի՛, քո քայլուածքի, պատճառով
Լսողութեամբ սահմանապա՛հ, սահմանապա՜հ եմ դարձել:
Քեզ այս ձեւով ունենալու-չունենալու պատճառով
Կորցրել եմ ունեցա՛ծըս՝ հպարտութի՜ւնս յաղթողի:
Պարոյր Սեւակ
23 Մարտ 1959
Δεν υπάρχουν σχόλια:
Δημοσίευση σχολίου