Բարտի ծառի տակ քեզ եմ սպասում,
Կանաչ հանդերի ճամբով շուտ արի,
Արտերը կամաց երգեր են ասում,
Ծաղկունքն են բուրում քո ճանապարհին:
Արտոյտներն ուրախ մեր սէրն են երգում,
Հովերը կարծես համբուրում են մեզ,
Արեւը սարին գլուխն է թեքում,
Բարտի ծառի տակ սպասում եմ քեզ:
Հարսերի նման ծառերը ծաղկուն
Ճիւղերն օրօրում, կանչում են, արի,
Երգում է անուշ գըլգըլան առուն
Ու զով տարածում քո ճանապարհին:
Քո քայլերի հետ իմ սիրտն է բախում,
Արեւը արդէն մայր մտաւ կարծես,
Երկինքը կապոյտ իր քօղն է կախում,
Բարտի ծառի տակ սպասում եմ քեզ:
Գեղամ Սարեան
Δεν υπάρχουν σχόλια:
Δημοσίευση σχολίου